On cause pou rin !

On cause, on cause, on cause,
On cause du timps,
On cause dès djins,
On cause pou rin.
Mins … on n’ choute nin,
Lès cias qu’ont fwin !
On cause, on cause, on cause,
On cause sovint,
On cause brâmint.
On cause tot l’ timps,
Mins … on n’ choute nin,
L’ misére dès djins !
On cause, on cause,
Mins on n’ choute rin,
On cause, on cause,
Mins on n’ vwèt rin,
On cause, on cause,
Mins on n’ faît rin.
Èt tos lès djins,
Tos l’s cias qu’ n’ont rin,
Tos l’s cias qu’ont fwin,
Is n’ dijenut rin,
Is rwaîtenut co bin,
Mins is n’ choutenut nin !
Is n’ choutenut pus rin,
Pace qui à l’ fin,
D’ ratinde pou rin,
In bokèt d’ pwin,
On comprind bin,
Qu’on cause pou rin !

Lien Permanent pour cet article : https://jihenef.be/2007/10/30/on-cause-pou-rin/