Nos cink sins’

L’ome è-st-insi faît,
Qu’on lî a mètu cink sins’.
Yunk pou vèy, èn-ôte pou ètinde,
Yunk pou goutè, co èn-ôte pou sinti,
Èt l’ dérin pou djonde.
Avou tot ça, i gn-a d’ qwè fé !
Seûlemint, il arive trop sovint,
Qu’on n’ si siève qui d’ yunk ou deûs,
Pou s’ fé ène idéye.
Si pa-côp, ça n’a wêre d’impôrtance,
Pou d’ôtes, ça l’ pout ièsse.
Si on s’ faît ène idéye su lès djins…
Rin qu’à lès rwaiti,
Ou bin rin qu’à lès-ètinde,
On lès pout quékefîye mau jujè !
Adon, douvians tos nos sins’,
Pou ièsse seûr di n’ si nin brouyi,
D’vant di s’ fé ène idéye su ène saqui,
Qui, di tote façon, ni s’ra jamaîs qui l’ nosse !