I faut s’ soveni, i faut vikè

Dji rèscontère sovint dès djins,
Dès vîyes, dès djon.nes,
Di totes lès cougnes !
C’èst m’ mèstî qui vout ça !
Èt maugrè qui ç’ n’èst nin toudi totès roses èt totès violètes,
Djè l’ faî voltîy !
On cause ène miyète di tot,
Du timps, dès djins, dès-èfants,
Dès djwès ou bin dès pwin.nes !
Dès vikants,
Èt, pa côps, dès mwârts !
Ça, ç’ n’èst nin toudi auji !
Lès cias qu’ont pièrdu ène saquî,
In parint qu’is vèyin.n’ fwârt voltîy,
Il ont afîye pièrdu l’invîye,
Di vikè !
Mi, ç’ qui dj’ saye dè leû dîre,
C’èst ç’ qui l’cia qu’è-st-èvôye leû poureut d’mandè :
« Aurdez l’ sovenance dins vo keûr,
Pou qu’ jamaîs vos n’ nos rouvioche,
Mins continûwez à vikè,
Li mia qu’ vos savez !
C’èst ça qui nos rindra binaujes…
Au la-wôt ! »