Èchone

Nosse bèle ronde bole ni s’ djoke jamaîs,
Èle continûwe di toûrnè …
Toudi, … Toufêr !
Rin nè l’ pout èspêtchi d’ chûre si vôye,
Rin … Èt nèlu !
Nos-ôtes, siya !
On-z-a afîye l’idéye qui tot s’arète :
Li timps, lès djins, l’ vikaîrîye,
Pace qu’on vint d’ piède ène saquî !
Mins ç’ n’èst qu’ène idéye,
Pace qui …
Gn-a rin qu’arète !
Èt nosse bèle ronde bole continûwe di tournè,
Toudi, … Toufêr !
Nos-ôtes, on chût l’ mouvemint,
Sins s’è rinde compte,
Pace qui c’è-st-insi !
Mins i nos faut r’lèvè no tièsse,
Si sèrè lès keûdes …
Èt s’ dîre qu’on-z-a dè l’ tchance,
D’ièsse tèrtous …
Èchone !